طب أنا كنت بتعلم ليه؟؟

حبيت اشارك معاكم بموضوع جديد يارب يعجبكم..وهنتظر رايكم فيه


<< اتخرجت من الكلية
وجالي عريس مية مية
قالي لاشغل ولا غيره ياعنية
كفايه عليكي الاهتمام بالبيت والعيال والحجات دية
قلت لنفسي والله حرااام
كنت بتعب نفسي واتعلم واذاكر ولابنام
وامتحن ويتحرق دمي طول الأيام
علشان في الاخر اقعد في البيت أكنس وأطبخ وأربي العياااال؟؟
ياخساااره التعب والتعليم والصحيان
ياخسارة المصاريف والجري من مكان لمكان
خلاص ضاعت كل الاحلام
والوقتي يادوب بقيت حرم الاستاذ فلان>>ه



ده ملخص الموضوع اللي عايزين نتكلم فيه..
البنات..عايزه اعرف بعد ماتعلمتوا عندكم اي مانع انكم تكونوا ستات بيوت ..وتبقى كل حياتك هي بيتك وجوزك وولادك..ولا مش هتتنازلي عن الشغل وتحقيق ذاتك..وهتاخدي الموضوع كرامه ومساواة؟؟؟؟
والشباب..ايه رأيكم..تحبوا زوجة المستقبل تكون ست بيت ولا تكون امرأه عامله..وهيفرق معاكم شغلها ولا لا..وياترى مستوى تعليمها هيفرق معاكم ولا مش هيفرق وليه؟؟
هستنى ردودكم..ويارب الموضوع يعجبكم..


اسفه على الاطالة