تبين تتركين العادة السرية .. !! .. هذي خلاصة تجربتي ..على لسان احد البنات

لسلام عليكم و رحمة الله وبركاته ..
احب انقل لكم تجربة مميزة لأحد البنات التائبات الله يثبتها وينور قلبها
تقول الفتاة:
أولا .. ابي اوضح لك شي .. أنا موب متزوجة .. ولا مملّكة .. أنا محجوزة لانسان احبه من مدة طويييلة و يحبني .. في مقام المخطوبين ...كنا نكلم بعض .. بدون ما اهلنا يدرون .. لكن بعد مدة .. حسينا ان هالشي موب من حقنا .. و قررنا نوقف هالخطأ اللي احنا ماشيين فيه ..و نبقي حبنا طاهر مثل ما بدأ .. اتفقنا انا وياه ان ما يصير بينّا أي كلام لين الملكة .. الحين لنا تقريبا شهر و نص ما نكلم بعض ..و يعلم الله لأي درجة احس بالفراغ و الألم ..
حبيبتي ... قبل ما أبدأ بتجربتي .. ودي أقول لك نصيحة من انسانة مجربة .. اذا حاولتي .. و ما نجحتي .. لا تيئسي .. جربي مرة و اثنين و ثلاث .. لان مافيه شي يجي بالساهل .. و لا تخلي فشلك في المرات الأولى يثنيك عن استمرارك في المحاولة .. >> رددي دائما .. "راح أقدر ..و دام غيري نجح .. أنا راح أنجح"..
انا مراح أقول لك وش اللي انت لازم تسويه ..
أنا راح أقول لك وش اللي انا سويته .. >> في كل محاولاتي ... و انت ابدأي بالطريقة اللي تبينها .. او ادمجي طريقتين .. >> او جربي اللي تحسيها راح تقدري تستمري عليها أكثر .. و راح تشجعك تستمري في ابتعادك .. ..
انا قرأت كثيييير على النت .. عن ترك هالعادة الشينة .. >> و ما استفدت هذيك الفائدة .. أحس انه كلام يتطلب المثالية الخلقية .. << اللي غير موجودة فيني..

راح ألخص لك اللي عندي.. ( اعذريني تعبيري الركيك ... )... :
من أهم الأسباب اللي خلتني أقرر اتركها بشكل نهائي .. اني قرأت ان اللي تمارس العادة السرية .. لون منطقتها التناسلية .. يصير مختلف .. >> أنا ما اتذكر كيف كان لونها قبل .. لكني ما حبيت اني اتزوج .. و يكون لونها موب زي الطبيعي ..اضافة لحرقة الضمير اللي كانت تصيبني .. كنت بعد كل مرة أمارسها .. أحس اني انسانة ضعيفة .. و مالي قيمة ..
انا فكرت اني اتركها بتركها..جلست مع نفسي .. و قعدت اقلب في الموضوع ..و انظر له من جميع النواحي .
1- جلست جلسة محاسبة لنفسي .. فكرت في صومي و صلاتي ..و كل شي طيب سويته في حياتي .. >> أكيد العادة السرية موب شي جائز .. اكيد آخذ عليه ذنب ..(الله أعلم بــ عظمه ).. فكرت شلون أنا قاعدة أضيع حسناتي عشان متعة زائلة و مؤقتة .. يعني استمتع بس وقت الممارسة .. بسسس .. لكن اللي بيبقى لي .. ذنوبي منها ..
يعني معقولة عشان هالمتعة البسيطة .. أضيع تعبي ..و حسناتي اللي راح تنقذني يوم القيامة .. << صحيح انا من النوع اللي اسمع اغاني ..لكن .. العادة السرية غيييير .. لأني بــ أحس فيها باحساس المفروض اني ما أحسه أصلا ..الحين ..
2- جلست افكر فيه أضرار هالعادة .. بداية بتغير لون و شكل المنطقة التناسلية .. و مرورا بالبرود الجنسي بعد الزواج .. و غيرها من الأضرار .. فكرت .. يا ترى المتعة المؤقتة اللي انا أحس بها خلال الممارسة .. تستحق التضحية بهالأشياء .. صحيح ان هالأضرار ممكن ما تصير..لكني انا ما أضمن لأي درجة أنا راح يجيني من هالاضرار نتيجة ممارستي .. يعني ممكن ما يجيني شي .. وممكن يأنضر منها بنسبة .. 20% بس .. وممكن هالعادة تأثر على علاقتي الجنسية مع زوجي لين آخر حياتي ..
فكرت يا ترى .. هل هذي الممارسة و المتعة المؤقتة اللي الحين أحسها تستحق اني أضحي بمتعتي الكاملة مع زوجي في المستقبل .. هل تستحق التضحية بلون و شكل اعضائي التناسلية .. !!!! .. هل هالمتعة تستحق اني اعرض نفسي لاحتمالية اصابتي بإحدى أضرار هالعادة الشينة ..
أي انسانة عاقلة .. راح تكون اجابتها .. >> المتعةالمؤقتة ما تستحق كل هالتضحية .. بكل هالأشياء..اصبّر نفسي الحين عشان في المستقبل أستمتع متعة غير منتهية ..

3- فكرت في حبيبي(عسى ربي يحفظه لي ) ..فكرت شلون هو صابر و متحمل .. استحضرت حبي له .. فكرت لأي درجة أنا أبي أسعده في المستقبل .. و أعيّشه حياة تنسّيه كل آلام بعده عني .. وكل الآلام اللي هو يتألمها الحين ..لأنه صابر .. قلت في نفسي .. " و الله انه يستحق يتزوج انسانة طاهرة .. "
يستحق أضحي بهالمتعة المؤقتة عشان متعتي الدائمة معاه في حياتنا .. يستحق انه ياخذ انسانة تكون ليلة الدخلة متحرقة شوقا لــ ق ض ي ب ه ..<< عشان يشبع رغبتها الجنسية .. ( موب انسانة عندها اكتفاء ذاتي .. و مراح تشعر بذاك الفرق .. قبل الزواج و بعده .. لأنها الشهور اللي قبل الزواج كلها كانت بتوصل لمرحلة الرعشة لحالها ..).. يستحق ياخذ انسانة ..متشوقة توصل لقمة متعتها معاه .. (موب انسانة تعودت توصل لها لحالها .. من دون اي تدخل منه ).. يستحق ياخذ انسانة تتمنى اللحظة الللي يدخل عليها فيها .. يطفي نار الشهوة اللي فيها .. برجولته الطاغية .. يستحق ياخذ انسانة زي كذا ... <<< و بأكون انا هالانسانة ... ما راحت علي لسه ..صحيح انا مارستها فترة ..لكن لسه عندي مجال لتصحيح كل هالاخطاء .. بأرجع انسانة طااااهرة مثل قبل .. و ابتعادي عن هالعادة لين اتزوج(يعني بعد سنتين ) .. راح يحقق لي اللشوق اللي انا ابيه .. راح يوصلني لمرحلة الجوع الجنسي اللي تكون عند اي انسانة ما مارست من قبل ... ما فات الفوت لأ ... كل شي ممكن يتصلّح .. كل شي ممكن يرجع لوضعه الطبيعي .. يبيله تعب !! .. اي .. لكن حبيبي يستحق اني اتعب هالتعب عشانه ..


بعد ما فكرت بهالأشياء .. قررت أترك هالعادة بشكل نهااااااااائي.. و أبتعد عنها للأبد ..( بالنسبة لي القرار .. عبارة عن نقلة في حياتي .. لأان لي سنين و انا امارسها .. ).. لكن الراحة اللي راح أحس بيها اذا تركتها .. و كل ايجابيات تركي للموضوع .. << تستحق هالنقلة ..
في البداية ..

1) حلفت اني مراح أمارسها أكثر من مرة في اليوم .(يعني إما أمارسها مرة .. أو لا مرة )..<< رغم اني ماني متعودة امارسها اكثر من مرة .. لكني كنت أحتاج ضمانة عسان الشيطان شاطر..

2) سويت جدول .. مدته اسبوعين (14 يوم ) ..مكون من اربعة أعمدة .. و عدد صفوفه .. 15.. اول صف في الجدول .. كتبت عناوين الاعمدة .. (اليوم – التاريخ – و العامود الثالث سميته "خاص طول".. – العامود الرابع سميته "خاص نوم") و كتبت في عامود "اليوم " و "التاريخ " ..>> ايام الاسبوع لمدة أسبوعين ..و تواريخهم.. اما في العامود الثالث و اللي كان له عنوان " خاص طول " .. >> كان يدل على التزامي بالترك طول اليوم.. يعني لنفرض ان اليوم السبت .. و التاريخ ( 2/8).. << انا التزمت بإني ما مارست العادة السرية طووول اليوم .. آخر اليوم قبل ما اتمدد على سريري .. أحط اشارة صح عند الخانة حقت "خاص طول " و المقابلة ليوم السبت .. و اذا قمت يوم الأحد .. الصباح و انا ما مارست العادة السرية قبل ما انام و انا على سريري ( في يوم السبت ).. أحط علامة صح في عامود "خاص نوم ".. و المقابل ليوم السبت .. أكون بهالشكل .. حطيت علامة بتركي للعادة السرية (خلال اليوم .. و قبل النوم ).. >> صراحة انا بأول كم يوم..ما التزمت به بشكل تام.. يعني ايام يكون عندي صحّين .. وايام صح واحد .. بس ولا مرة ما كان عندي أي صح..

و الله يشهد ربي .. احساس حلو ..لما يعدّي يومين او ثلاثة و تشوفي انك قدرت تمسكي نفسك .. و ما مارستيها و لا مرة .. تحسي بحلاوة الانجاز .. احساس رااااائع .. و اذا اكتمل عندك مثلا اسبوع كله صحّات .. راح تحسي بالنشوة .. واعتزاز شديد بالنفس.. و هالشي راح يدفعك انك تكملي في تركك على الرغم من الألم اللي في الترك ..


3) أنا لصقت الجدول على الجدار اللي عند سريري (عشان يكون قدام عيني و يذكرني بالنقلة اللي انا ابيي أسويها ) .. كنت كل ما أكمّل أسبوع بدون اي مخالفات .. اكافئ نفسي ..مكافأة مجزية .. << تخليني أتحمس .. ألتزم أسبوع ثاني.. عشان أحصل على مكافأة مجزية ثانية .. و هكذا .. يعني انت حطي لنفسك حافز عشان تلتزمي .. مثلاً .. حطي لنفسك اذا التزمت اسبووووع كامل بدون اي مخالفات .. تفتحي موضوع حساااااااس مع خطيبك ..بس عاد انتبهي لا تنسجمي و تمارسيها وانت تكلميه.. او مثلاً .. خلي مكافأة لك اذا التزمت اسبوع .. تتدلعي على خطيبك (اذا جا يزورك) بطريقة تخليه ما يقدر يمسك نفسه .. و يشفشفك(يعني يبوسك بعمممق ) .. أو ممكن تحطي مكافأة مالها علاقة بخطيبك .. مثلا تشتري شي .. تروحي مكان تحبيه..تسوي اكلة انت مشتهيتها.. او تتفرجي شي انت تحبيه ..

4) حطيت ورقة ثانية على الجدار اللي عند سريري(انت ممكن تحطيها بدرجة الطاولة اللي جنب سريرك .. أو تكتبيها في جوالك .. " .. أنا كتبت في الورقة ..
1- " من تعجّل شيئا قبل أوانه .. عوقب بحرمانه"..<< و دايم أفكر فيها بهالشكل .. افكر اني اذا تعجّلت بالاستمتاع الكامل الحين .. راح أنحرم منه اذا اتزوجت..
2- " من ترك شيئا لله .. أبدله الله خيرا ً منه " ..<< يعني اذا انا الحين بعّدت عن هالعادة .. و تركتها لأني أبي أكون أفضل .. و لأني ما أبي أكسب ذنوب .. و لا أبي أقصّر في علاقتي الجنسية مع زوجي في المستقبل .. أبي أعطيه حقوقه بأفضل ما يمكن .. بأحسن صورة أقدر عليها .. اذا بعّدت عن العادة السرية عشان هالشي .. ان شا الله الله راح يعوضني بشي أفضل من المتعة المؤقتة اللي احس بيها اثناء الممارسة .. راح يرزقني الله الضمير المرتاح .. و ينزل على قلبي البرد و السلام .. و اذا تزوجت راح يرزقني انسان يمتعني .. ويعوضني عن كل الليالي اللي كنت ابي امارس فيها لكني امتنعت .. مافي شي أحسن من ان الواحد يحسن ظنه بالله .. لأن الله ما يخيب أمل عبد من عباده ..
3- "عشانك حبيبي ..بس عشانك .. "<< يعني عشانك حبيبي .. راح أترك هالعادة .. عشان ابي أسعدك في المستقبل .. عشان أبيك تستمتع بكل شي فيني .. حتى بشكل منطقتي الحساسة .. أبيه يكون مثير لك .. عشانك راح أتحمل و أصبر .. عشان راح أتحمل الألم النفسي حق تركها .. و عشانك راح أتحمل الشهوة اللي فيني .. عشان أبي أكون انسانة طاهرة .. اذا صرت حلااااالك .. (هي العبارة موب واضحة للي يقرأها ..لأني كتبتها لي أنا .. ما يهمني هي مفهومه للثانيين اللي بالبيت أو لأ .. )



أنا كنت اذا حسيت اني مرررة تعبانة .. و ودي امارس العادة الشينة . .يعني اذا حسيت نفسي راح أضعف .. و أمارسها ..:
1- ألتفت على الورقة .. و أقرأ العبارت اللي فيها .. و افكر فيها .. عشان تقوّيني على الاستمرار في تركي لهالعادة ..
2- ألقي نظرة على الجدول حقك .. اللي أكيد بيكون فيه أيام فيها صحّات .. و اشعِر نفسي بالانجاز اللي انا سويته .. أفكر بايجابية .. يعني زين مني اني ما عندي ولا يوم مارستها مرتين .. >> التزمت اني امارسها مرة .. أو مثلا .. زين مني اني ما مارستها خلال الاربعة الماضية الا مرة وحده .. و هكذا .. أشجع نفسي ..


5) بعد مرور الأسبوعين الأولى ( وهي أصعب أسبوعين ).. شوفي الجدول وقيمي ادائك ..و قومي بزيادة ضرورة الالتزام.. يعني مثلا.. اذا حسيتي من الجدول انك تقدري تتركيها تماما لمدة ثلاثة ايام متتالية .. احلفي قولي " والله مراح أمارس هالعادة الشينة الا كل ثلاثة ايام ..مرة واحدة " .. بهالشكل زادت ضرورة التزامك بالجدول .. يعني صار لاااازم انك ما تمارسيها لمدددة ثلاثة ايام .. موب على كيفك .. و هكذا .. كل اسبوعين .. قيمي أدائك ..و تدرجي بشروط الالتزام .. << أدري بتقولين ليه كل شوي أدخّل القسم بهالموضوع .. أنا أقول لك .. أنا من النوع اللي اذا حلفت ..خلااااص ألتزم .. واكتشفت اني اذا اقسمت فهالموضوع .. ألتزم.. و لا أعطي الشيطان فرصة يضحك علي و لا يوسوس لي .. من يوم ما تطرا على بالي الفكرة .. أشيلها .. ما أجلس افكر فيها أصلا ..
عني أنا .. حلفت ثلاث مرات اني ما أمارسها الا مرة باليوم .. و المرة الثانية .. اني ما أمارسها الا مرة كل ثلاثة أيام .. و المرة الثالثة .. اني ما أمارسها الا مرة كل أسبوع .. بدون تحااايل .. يعني .. ما امارسها يوم الخميس.. واذا بعد يومين .. يوم السبت أقول هذا اسبوع جديد ... لأ .. لازم يكون بين كل ممارسة وممارسة على الأقل .. أسبوع ..
أنا بعد ما حلفت المرة الثالثة .. بس بأول أسبوع .. مارستها مرة وحده .. و بعديييين خلااااااااااص .. حسيت اني أقدر أمسك نفسي ..
استمرييييت على هالحال .. ( أنا حالفة اني ما أمارسها الا مرة كل أسبوع على الأقل.. لكني ما أمارسها أصلا )..استمريت عليه لمدة ثلاثة أسابيع ..بدون ما أمارس و لا مرة .. >> طبعا جدولي كان كله ..صحّات .. كنت أكافئ نفسي .. كانت معنوياتي مرررة مرتفعة .. ونفسيتي جدا مرتاحة .. >> حلفت اني ما عاد أمارسها مرة ثانية .. إلين يدخل عليّ زوجي ..
و الحمدلله الحين لي أكثر من خمسة أشهر ما مارستها ولا مرة .. والوضع صار عندي عااااااااااادي .. موب تعباني مع شهوتي ... ولا أحس اني بحاجة ممارستها .. << ألمي الحين .. لأني أحتاج حبيبي جنبي ..موب عشان شي ثاني ..



هذي بعض الأشياء البسيطة ..اللي كنت أنا أراعيها ..
 حاولي انك ما تعرضي نفسك لأي مثيرات خلال اليوم .. وبالأخص بعد ما تتمددي على السرير اذا جيتي تنامي ..
 لا تنامي ابدا ..عارية .. أو تنامي بس بالملابس الداخلية (بدون بيجاما ..)..
 لا تنامي أبدا ... وانت موب لابسة ملابس داخلية سفلية(الكلوت) .. حتى لو انت لابسة بيجاما .. لأن احتكاك البيجاما بمنطقتك الحساسة راح يكون احتكاك مباشر.. والاحتكاك المباشر هذا راح يثيرك ..
 اذا حسيتي انك مررررة م ش ت ه ي ة .. و تبين تمارسين العادة الشينة (سواء خلال اليوم أو حتى عند النوم ).. لا تستسلمي لهالرغبة .. او تقولي .. خلاص بس بأمسّد على منطقتي الحساسة من فوق الملابس .. لا تضحكي على نفسك .. لأن الشيطان شاطر .. و ما بيخليك الا بعد ما يصير الانزال .. ( بتقولي بأمسد كمان شوي ..بس شوي .. لييييين ما توصلي لرعشة الشبق و تنزلي .. و حتى لو وقفتي قبلها ..بتحسي انك تبين تصيحين .. نفسيتك بتكون دمااار ).. << نصيحتي لك .. اذا كنت مرررة م ش ت ه ي ة .. قومي الحمام .. و رشي (برفق ).. قليل من الماء البارد .. راح يخف احساسك بالشهوة و الله .. << خذيها من مجربة ..



هذا كل اللي عندي .. أتمنى تكوني استفدت .. وتتوفقي بــ تركها ..
من جد .. أتمنى انك تنجحي في محاولتك .. >> و تصير أيام ممارستك لهالعادة الشينة .. مجرد ذكريات ما تبين تتذكرينها ..



دمتم بحب..

=================
منقوووووووول للفائدة