الحقونى انا عنست

الحقيقه انا بقيت بسمع الكلمه دى كتير اليومين دول ومخبيش عليكوا انا حاسه انى هاقولها قريب ربنا يستر عشان كده انا عاوزه افهم ايه اللى حصل احنا زمان كانت البنت اول ما تعدى العشرين تبقى كارثه دلوقتى تلاقيها عندها 30 وبتقول انا لسه بدرى عليا ومش عارفه اذا كانت البنت هيا السبب فى ده ولا الظروف اللى حوالينا وانا بصراحه شايفه انواع من العنوسه

1)بنت بتعنس بمزاجها ودى تقولك انا مش هاتجوز غير لما احب وتفضل قاعده مستنيه الحب ده طول عمرها وتبقى تقابلنى بقى ..

2)بنت نفسها تتجوز بس يا خساره بتشتغل طول عمرها عشان تقدر توفر وتجهز نفسها وعلى ما تخلص يكون عندها 40 سنه وبرده تبقى تقابلنى ...

3)فى واحده بقى تبقى شايفه نفسها شويه حلوه وجميله وتفضل تتشرط ده اه وده لا وده قصير وده طويل ومع تقدم العمر لان محدش عاجبها تلاقيها بتتمنى البواب يبصلها وهو ولا هايبص...

الحقيقه يا جماعه ان مش احنا بس السبب فى موضوع العنوسه لان البنات دلوقتى نفسها انها تكون اسره وانا اللى شيفاه ان البنت وهيا لسه فى اللفه كل اللى شاغل بالها ياترى فى وسط الظروف السوده دى والبطاله والمغالاه فى تكاليف الزواج هاتجوز ولا هاعنس وبصراحه انا كمان خايفه....

انا عاوزه اخاطب كل ام وكل اب انهم يرافوا شويه بحال الشباب ويعرفوا اننا فى ظروف صعبه

كل اب وام يتمنى يشوف ولاده احسن الناس لكن هما يقدروا يعملوا ده وهما سوا وصدقونى

وقتها هنلاقى كتير اوى من الحوادث اللى بتحصل كل يوم بتقل سواءاغتصاب اوسرقه او غيرها


وياريت كمان البنا تتتخلى شويه عن مطالبها الكتير لان فى حاجات تانيه فى الحياه اهم بكتير من الماديات يكفى انك تكونى اسره وتكونى ام وده احساس بالدنيا كلها

عاوزه كمان اقول لللشباب انه ميضيعش وقته ويشتغل ويجتهد عشان يوصل للى هو عاوزه ويحقق احلامه

انا عارفه انى عرضت الموضوع فى الاول بشكل ساخر بس صدقونى هو ده الهم اللى يبكى ويضحك
هاله الديب.....